Ná len alassë, i polin anta,
Mal hendilyat nírilyar quantar!
Ma mélalyë var hánta? –
San indonya ná nin terhanta!

23.02.2004

I nárolambi liltaner, naltala nenillor,
Kauner tussar, hlarula lírilyain,
Ar aldar moruner olwainen met.
Ma nin lirnelyë? Eleni rilyë istar.
Mal nin váquetima ná handë sina!

25.04.2004

I esselya ná nin Alassë
I esselya vë aika nassë
Melmenyanen nin indonyassë.
San quentë nin alanta lassë:
"Ná máka láma esseryassë
Yokarna lamatyavenen quantassë".

02.09.2004

Ninqua lossë lilta-lanta
Niqua lóssë naika manta.
Mal enyalië nin anta
I olóssë oiolairen
Yanna ville erya alqua.

04.01.2005